Rreth 100 orë pa u zëvendësuar

Që nga e shtuna kur edhe u vendosën barrikadat, disa policë të Kosovës, kanë qëndruar në pikat kufitare në Jarinje e Bërnjak pa u zëvendësuar.

Por gjatë ditës, Polica e Kosovës ka bërë të ditur se njësiti prej katër policësh është zhvendosur në stacionin në Leposaviq, pa dhënë detaje të tjera.

“Njësiti policor në përbërje prej katër zyrtarëve policor të cilët ishin me detyrë zyrtare në atë zonë, të njëjtit veçse kanë lëvizur mbrëmë për në stacionin policor Leposaviq, ku edhe qëndrojnë”, tha Baki Kelani, zëdhënës i Policisë së Kosovës.

Deputeti i PDK-së, Hisen Berisha, thotë se kjo çështje nuk duhet të politizohet.

Sipas tij, kjo varet nga kushtet operacionale.

E njohësi i sigurisë Hysen Gecaj, thotë se policët në fjalë, mund të ndërrohen me bashkëpunimin e KFOR-it.

Së fundmi Policia e Kosovë ka bërë të ditur se janë ndërmarrë masat e nevojshme mbështetëse dhe logjistike, përfshirë veshmbathjen dhe ushqimin për personelin e saj në detyrë.

Post Views: 191