Rreth 340 euro është vlera e dëmeve nga vërshimet në Junik

Këtë e ka bërë të ditur vet kryetari i Junikut, Ruzhdi Shehu në emisionin “Info Nata” në Tëvë1.

Shehu ka thënë se dëmet janë kryesisht në infrastrukturë rrugore, në shtratin e lumit Erenik dhe në ekonomitë familjare.

“Nga këto vërshime kemi pasur dëmtime që vlera e përgjithshme që mund të them për herë të parë publikisht është rreth 340 mijë euro dëme që janë shkaktuar nga vërshimet. Kryesisht janë në infrastrukturë rrugore, në shtratin e lumit Erenik dhe në ekonomi familjare”, ka deklaruar ai.

Shehu thotë se ende nuk kanë marrë ndonjë konfirmim për ndihmë nga Qeveria.

“Vlerësimi i dëmeve është bërë nga ekspertë e fushave, deri më tani i kemi dorëzuar të gjitha kërkesat te Qeveria dhe jemi në pritje, mirëpo deri më tani nuk kemi ndonjë konfirmim. Qeveria është e vonuar sepse ka nevojë emergjente të intervenohet”, përfundoi Shehu. /Teve1.info/