Aderimi më i ri i Lidhjes Demokratike të Kosovës, Berat Rukiqi, e ka cilësuar hyrjen në politikë si zhvillim të natyrshëm në karrierën e tij.
Ai tha se kjo vjen pas një përvoje të gjatë në sektorin publik e privat, teksa shtoi se sot vendi ka nevojë për profesionistë që marrin përgjegjësi, për t’i dhënë drejtimin e duhur proceseve politike e zhvillimore.
“Lidhja Demokratike e Kosovës, ma bëri më të lehtë zgjedhjen për rrugëtimin tim politik, me orientimin e qartë ideologjik si dhe me kredibilitetin që e gëzon si parti, e që buron nga kontributi në të gjitha proceset për lirinë, pavarësinë, shtetndërtimin dhe zhvillimin e vendit”, është shprehur Rukiqi.
sh-drejtuesi i Odës Ekonomike të Kosovës, Berat Rukiqi, është bërë pjesë e Lidhjes Demokratike të Kosovës, ka njoftuar kryetari i saj, Lumir Abdixhiku.
“LDK është e lumtur që – si adresë e vetme e njerëzve profesionistë – po shton radhët e veta secilën ditë. Gjatë vitit të fundit, sikurse Berati, LDK-së e strukturave tona u janë bashkuar aktivistë të shoqërisë civile, ligjërues akademikë, deputetë e kryetarë komunash. Të gjithë bashkë, do t’i japim vendit një zgjedhje politike të pastër, profesionale e ndërtuese të së ardhmes”, ka shkruar Abdixhiku.
Pas kalimit të deputetes Doarsa Kica në LDK, ishte raportuar se edhe Rukiqi do të bëhej pjesë e kësaj partie.
Postimi i plotë:
Ligjëruesi universitar e doktoranti i ekonomisë Berat Rukiqi, nga sot është pjesë e Lidhjes Demokratike të Kosovës. Si ekonomist i dalluar e si aktivist i pandalshëm i angazhimit publik për një shoqëri të zhvilluar, Berati me gjithë bagazhin e tij intelektual e profesional do t’i japë vlerë projektit tonë politik.
Berat Rukiqi ka magjistruar në Bruksel mbi Politikat Ekonomike të Bashkimit Evropian; gjersa vazhdon studimet e doktoratës në Universitetin e Prishtinës. Si udhëheqës i Odës Ekonomike të Kosovës, ai ka artikuluar në vazhdimësi pikëpamje të një ekonomie të lirë e të fuqishme. Ai i njeh mirë të gjitha sfidat e sektorit privat, sikurse dhe njeh mirë domosdoshmërinë e kohës për një ambient që ankoron vendin tonë në stade të reja zhvillimore.
LDK është e lumtur që – si adresë e vetme e njerëzve profesionistë – po shton radhët e veta secilën ditë. Gjatë vitit të fundit, sikurse Berati, LDK-së e strukturave tona u janë bashkuar aktivistë të shoqërisë civile, ligjërues akademikë, deputetë e kryetarë komunash. Të gjithë bashkë, do t’i japim vendit një zgjedhje politike të pastër, profesionale e ndërtuese të së ardhmes.
Mirë se vjen Berat!
Na priftë e mbara.
