Policia e Kosovës ka gjetur dhe sekuestruar një sasi të madhe të duhanit të përpunuar që dyshohet të jetë kontrabanduar. Atë e gjeti në hyrje të fshatit Dobërçan, në një veturë që e ndaloi.
Paketimet me duhan ishin të klasifikuara sipas emërtimeve të markës së duhanit:
“Marlboro e kuqe (karton i cigareve) 6 thasë nga 30 paketime x 0.5 kg, gjithsej 90 kg; Marlboro e bardhë (karton i cigareve) 8 thasë nga 30 paketime x 0.5 kg gjithsej 120 kg; Luckies Strike (karton i cigareve) 9 thasë nga 30 paketime x 0.5 kg gjithsej 135 kg; Winston (karton i cigareve) 9 thasë nga 30 paketim x 0.5 kg gjithsej 135 kg”, ishin mallrat e sekuestruara, njoftoi PK-ja.
Në total, 32 thasë me nga 30 paketime apo 480 kg duhan i përpunuar u gjet në veturë.
Malli i konfiskuar është dërguar në Doganë.
