Në seancën e sotme plenare, ka pasur një përplasje ndërmjet Ministrit të Financave, Hekuran Murati dhe deputetit nga radhët e Lidhjes Demokratike të Kosovës, Driton Selmanaj, shkruan Gazeta Sinjali.
Gjithçka filloi me një deklaratë të Ministrit të Financave, Hekuran Murati, i cili ka thënë se, opozita e kërkon Kosovën e zbrazët, vetëm për ta kritikuar Qeverinë Kurti.
“Si opozitë mund të shkoni aq larg sa që të dëshironi të zbrazet Kosova ashtu siç pretendoni, vetëm e vetëm që kjo t’i faturohet kësaj Qeverie”, ka thënë Murati.
I menjëhershëm ishte reagimi i deputetit nga radhët e Lidhjes Demokratike të Kosovës, Driton Selmanaj, i cili tha se Kosovën pa shqiptar e ka dashur vetëm Serbia.
“Kryeministër aq në dergje të keqe ka ra kjo Qeveri sa që ministrin më jo serioz po e qet me fol në emër të Qeverisë. Merre me mend çka thotë, ju si opozitë e kërkoni Kosovën pa njerëz, veç me na kritiku neve. A e din kush e ka dashtë Kosovën pa shqiptarë, veç Serbia. Nëse këtë logjikë e ka një ministër i yti o largoje prej aty se lidhje s’ka me këtë punë”, ka thënë Selmanja.
