Përfaqësuesja Speciale e Sekretarit të Përgjithshëm dhe Shefja e UNMIK-ut, Caroline Ziadeh, ka përshëndetur marrëveshjen e arritur në Bruksel për siç i ka quajtur ajo, masat në uljen e tensionit, e cila duhet të kthejë fokusin në normalizimin aq të nevojshëm të raporteve ndërmjet Prishtinës dhe Beogradit.
“Kjo u bë e mundur falë qasjes së përgjegjshme të shfaqur nga të dyja palët dhe përkushtimit të tyre në dialogun e lehtësuar nga BE”, ka thënë Ziadeh, transmeton Klankosova.tv.
Ziadeh po ashtu mirëpriti përpjekjet e partnerëve ndërkombëtarë për të ruajtur stabilitetin dhe për të siguruar paqen.
Mbërëmë, pala kosovare dhe ajo serbe ranë dakord që Serbia të ndalojë lëshimin e targave ilegale në Kosovë, ndërsa Kosova ka suspenduar masën e gjobave për ata që përdorin këso lloj targash.
