Shemsi Jashari, kryetari i organizatës “Demokracia Fillon Këtu”, ka reaguar në postim në rrjetin social të tij në Facebook, ku në fshatin Tërrnavë shihen disa foto të postuara nga ai, me një rrugë mjaft problematike.
Sipas tij Drejtoria e Shërbimeve Publike në Podujevë po injorojnë kërkesat e banorëve të këtij fshati.
“Drejtoria e Shërbimeve Publike në Podujevë injoron kërkesat e banoreve te lagjes Murseli ne Tërrnavë, për te hapur nje kanal të ujit atmosferik qe kishte shkaktuar vërshimin e ujit ne rrugën kryesore të fshatit”, ka shkruar ai.
Ndër të tjerash Jashari shtoi se kjo vjen si pasojë e shtrimit të pa planifikuar.
“Kjo vjen si pasoje shtrimit te trotuarit pa planifikuar rrjedhën e ujit nga rruga, dhe sa here bie shi rruga shndërrohet ne moçal! Edhe këtu nga komuna ka munguar mbikëqyrësi i punimeve te punë kryesit… ose….gjejeni vet pse! Mbi një (1) javë kanë pritur banoret dhe pas injorimit te komunës, banorët me para të veta kanë paguar një kompani për hapjen e kanalit!”, ka shkruar Jashari.
Postimi i plotë i tij:
