Sfida që do ta përcjellin ekzekutivin gjatë këtij vit janë të mëdha po vlerësojnë ekspertët. shëndetësia, ekonomia, energjia, por edhe ikja e të rinjve nga vendi, thonë ata se janë problemet me të cilat do të duhej të merrej Qeveria urgjentisht.
Analist politik Fidan Ukaj, për Ekonomia Online tha se kryeministri Albin Kurti duhet të bëjë riformatimin e Qeverisë, duke ndërruar disa ministra.
Duke përmendur problemet në Ministrinë e Punëve të Brendshme, pastaj gjendjen në shëndetësi e furnizimin me energji.
“Unë mendoj që Qeveria e Kosovës ose kryeministri i vendit duhet një pjesë të Qeverisë së vet ta riformatizojë, t’i ndërrojë disa ministra të cilët nuk kanë qenë produktiv deri më tani, një prej tyre është Ministria e Punëve të Jashtme, probleme shumë të mëdha kemi në sektorin e shëndetësisë, kemi të Energjisë, pothuajse të gjithë sektorët janë me problem”, tha Ukaj.
Ukaj tha se nuk ka parë lëvizje të sinqerta nga Qeveria për zgjidhjen e gjendjes të mjerueshme siç e quan ai, duke shtuar se kërkohet një strategji e qartë për çdo sektorë.
“Qeveria e Kosovës duhet nuk e di a e ka një strategji për dalje nga kjo gjendje krize që e ka kapluar me inflacion shumë të lartë qytetarët e Kosovës ne kemi parë disa lëvizje që unë mendoj se nuk janë të sinqerta për shtyrjen përpara të Ligjit për Paga duke krijuar probleme edhe brenda për brenda ligjit edhe duke e ditur që ky ligj do të shkojë në Gjykatën Kushtetuese dhe do të vonohej, do të shkon në pafundësi, deri te aprovimi i këtij ligji, mirëpo unë mendoj se rritja e pagave për punonjësit, që punojnë nëpër institucione shtetërore, më pastaj gjetja e një zgjidhje edhe për shëndetësinë kemi një gjendje të mjerueshme në sistemin shëndetësor dhe vetëm hartimi i një strategjie për të gjithë sektorët dhe nxjerrja e Kosovës nga kjo gjendje e mjerueshme që është sot do të ishte një zgjidhje që deri më tani nuk e kemi parë nga Qeveria e Kosovës”, tha Ukaj.
Përderisa Shemsi Jashari, theksoi se Qeveria duhet të ketë dialog të mirëfilltë me Odat ekonomike dhe me bizneset që gjeneratat e reja të mos largohen nga vendi.
“Përmirësimin kryesor mendoj që do të duhej ta kishte qeveria është që të hapë dialogun e mirëfilltë me akterët e në këtë rast me odat ekonomike, me bizneset e mëdha të studiojnë se cila do të ishte qasja më e mirë që bizneset të mund të rimëkëmbën edhe të krijojnë vende të punës që punëtorët, sidomos gjenerata e re të mos e sheh si të vetmen alternativë migrimin jashtë Kosovës”, tha Jashari për Ekonomia Online.
Jashari potencoi se marrëveshja finale me Serbinë duhet të jetë fokusi kryesor i Qeverisë, në mënyrë që sipas tij, të zgjidhet njëherë e mirë kjo punë.
“Ndër prioritete është zgjidhja e çështjes politike në raport me Serbinë, marrëveshja finale është proklamuar shumë që do të jenë ndër temat kyçe, është ka na mban peng tash e disa kohë, besoj që ai duhet të jetë fokusi që njëherë e mirë ta kemi një zgjidhje për sa i përket statusit politik të Kosovës në arenën ndërkombëtare edhe një marrëveshje e cila do t’i normalizonte gjendjen në veri e do të sillte njohjet reciproke Kosovë-Serbi”, tha Jashari.
Në vitin 2021 është zgjedhur Qeveria e Kosovës, në krye me Albin Kurtin si kryeministër të Republikës së Kosovës.
