Shfaqje në teatrin “Avdush Hasani”, drejtoresha u bën thirrje llapjanëve për pjesëmarrje

Drejtoresha e Teatrit të Podujevës, Elhame Kutllovci, ka njoftuar se sot nga ora: 19:00 do të shfaqet komedia “Pas Vdekjes” e A.Z. Çajupit. Kutllovci përmes platformës së saj sociale, Facebook, u ka bërë thirrje llapjanëve që të jenë më aktivë në shfaqjet teatrore të qytetit, pasi sipas saj kjo tregon edhe nivelin e shoqërisë ku jetojmë. „Teatri është pasqyrë e shoqërisë. Numri i publikut në teatër pasqyron nivelin e shoqërisë ku jetojmë. Duke ardhur në teatër, në radhë të parë nderoni vetën dhe pastaj shoqërinë. „ Ajo po ashtu ka thënë se tashmë në teatrin Avdush Hasani, për herë të parë tash e dy muaj janë shfaqur rregullisht çdo javë shfaqje. „Teatri “Avdush Hasani” Podujevë ka dy muaj që për herë të parë ka një repertor të rregullt të shfaqjeve. Të paktën një herë në javë do të të ketë shfaqje për publikun llapjanë.“

Postimi i plotë

I dashur publik llapjanë,

Mjeti më real dhe më i leverdishëm për të pajisur mendjen njerëzore me një forcë të papërmbajtshme dhe për të hedhur papritur një masë idesh ndriçuese në popull është, pa dyshim, në teatër.

Teatri është pasqyrë e shoqërisë.

Numri i publikut në teatër pasqyron nivelin e shoqërisë ku jetojmë.

Duke ardhur në teatër, në radhë të parë nderoni vetën dhe pastaj shoqërinë.

Teatri “Avdush Hasani” Podujevë ka dy muaj që për herë të parë ka një repertor të rregullt të shfaqjeve. Të paktën një herë në javë do të të ketë shfaqje për publikun llapjanë.

Sonte, nga ora: 19:00 do të shfaqet komedia “Pas Vdekjes” e A.Z. Çajupit.

Teatri është kulturë ku edukohet shoqëria!