ADVERTISEMENT
Reshjet e vazhdueshme gjatë ditëve të fundit kanë rënduar përcjelljen e ujit të shtretërve të lumenjëve, gjë kjo e cila rrezikon fshatrat e ndodhur përreth këtyre lumenjëve.
Kryetari i Komunës së Podujevës, Shpejtim Bulliqi, ka vizituar disa nga fshatrat që konsiderohen më të cenueshëm nga reshjet atmosferike.
Përmes një postimi në rrjetin e tij social, Facebook, Bulliqi është shprehur se gjendja në komunikacion dhe në këto fshatra është e menaxhueshme dhe se janë bërë përgaditje të nevojshme për rastet urgjente.
Postimi i plotë:
”Reshjet e pandërprera të shiut nga dita e djeshme e kanë rënduar gjendjen e shtretërve të lumenjëve dhe qarkullimin në komunikacion, për të përcjellur nga afër gjendjen kam vizituar fshatrat Batllavë, Gerdoc, Bellopojë, Lluga dhe Siboc.
Situata është e menaxhueshme, ndërsa si institucione lokale i kemi bërë të gjitha përgatitjet e nevojshme në rast të përkeqësimit të situatës nga reshjet e shiut ditëve në vijim.”
