Shpërndahen 300 pako ushqimore për familjet nevojtare në Podujevë

Shpërndahen 300 pako ushqimore për familjet nevojtare në Podujevë

Sot është bërë shpërndarja e 300 pakove ushqimore nga organizata “Qatar Charity” për familjet me gjendje të rëndë ekonomike nga Komuna e Podujevës.

Përzgjedhja dhe ndarja e pakove ushqimore është bërë nga Drejtoria e Shëndetësisë dhe Mirëqenies Sociale në bazë të regjistrave që posedon kjo drejtori për familjet me gjendje të rëndë ekonomike dhe në asistencë sociale.

Komuna e Podujevës falënderon organizatën nga Katari për donacionet e vazhdueshme që ka ofruar për qytetarët e Podujevës dhe institucionet lokale në financimin e projekteve të ndryshme.