Shërbimi Spitalor Klinik, ka bërë të ditur se sot një mjek është kërcënuar gjatë kryerjes së detyrës.
Mjeku i kërcënuar është DR. Shaqir Uka, shef i Mjekimit Intensiv Qendror në Qendrën Klinike Universitare të Kosovës, ai u kërcënua nga një familjar i një pacienti që po trajtohej në këtë repart.
ShSKUK së bashku me Klinika e Anestezionit e Mjekimit Intensiv Qendror, kërkojnë nga organet e drejtësisë që të ndërmarrin masa dhe personi që kërcënoj mjekun të dënohet.
Postimi i plotë:
Shërbimi Spitalor Klinik dhe Universitar i Kosovës njofton se sot në vendin e punës, derisa po kryente detyrën e tij është kërcënuar Dr. Shaqir Uka, shef i Mjekimit Intensiv Qendror në Qendrën Klinike Universitare të Kosovës.
Kërcënimi ka ndodhur nga familjari i një pacienti të shtrirë në këtë njësi.
ShSKUK dhe Klinika e Anestezionit e Mjekimit Intensiv Qendror dënojnë këtë akt, duke kërkuar nga organet e drejtësisë të Republikës së Kosovës që të ndërmarrin veprimet e nevojshme ligjore dhe kryesi i kësaj vepre të marr dënimin meritor.
Puna në Mjekimin Intensiv është punë nën presion për shkak se në këtë njësi luftohet për jetën e pacientit, andaj kanosjet e tilla e vështirësojnë tejmase punën dhe pozitën edhe ashtu të rënduar të personelit në këtë njësi. /IndeksOnline/
