Këshilltari i Departamentit amerikan të Shtetit, Derek Chollet, ishte planifikuar që sot të niste një vizitë zyrtare në Kosovë, së bashku me të dërguarin e SHBA-ve për Ballkanin Perëndimor, Gabirel Escobar.
Mirëpo, Chollet nuk ka udhëtuar drejt Kosovës, duke bërë kështu që vizita e tij të anulohet.
Sipas burimeve të Telegrafit, institucionet e Kosovës janë njoftuar sot në mëngjes se arsyeja e shtyrjes së vizitës së Derek Chollet për fillimin e vitit 2023 në shtetet e rajonit ka ndodhur për shkak se ai është infektuar me Covid-19.
Ndërsa Zyra e Kryeministrit ka njoftuar se Albin Kurti do të takohet vetëm me emisarin Gabriel Escobar.
“Kryeministri i Republikës së Kosovës, Albin Kurti pret në takim Zëvendës Ndihmës Sekretarin për Çështje Evropiane dhe Euroaziatike, Gabriel Escobar”, thuhet në komunikatë.
