Fondacioni Friedrich Ebert (FES) në Prishtinë pas pak do të fillojë prezantimin e draft-statutit për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe.
Sipas nenit 6, pika 1 e këtij draft-statuti, Asociacioni do të ketë këtë strukturë organizative:
- Kuvendi i Asociacionit/Bashkësisë;
- Presidenti i Asociacionit/Bashkësisë;
- zv. Presidenti i Asociacionit/Bashkësisë;
- Këshilli i Asociacionit/Bashkësisë;
- Bordi i Asociacionit/Bashkësisë;
- Zyra e Kërkesave dhe Ankesave të Asociacionit/Bashkësisë.
Anëtarët e Asociacionit do të jenë autoritetet komunale të komunave pjesëmarrëse.
Tutje, në draftin e publikuar thuhet se Asociacioni/Bashkësia është si subjekt juridik i themeluar në përputhje me Kushtetutën dhe sistemin juridik të Republikës së Kosovës.Statuti i Asociacionit/Bashkësisë është akti më i lartë juridik i Asociacionit/Bashkësisë.
Statuti do të miratohet nga kuvendi themelues i Asociacionit/Bashkësisë i përbërë nga anëtarët me votim të kuvendeve komunale të komunave pjesëmarrëse në përputhje me Ligjin për Ratifikimin e Marrëveshjes së Parë dhe Kushtetutën e Republikës së Kosovës.
Statuti do të miratohet me akt juridik të Qeverisë së Kosovës dhe do të marrë fuqinë e një rregulloreje të Qeverisë, sipas sistemit juridik të Kosovës pas shqyrtimit nga Gjykata Kushtetuese.
KËTU mund ta lexoni draftin e plotë.
