Nuk ka kaluar rezoluta e paraqitur nga Aleanca për Ardhmërinë e Kosovës rreth situatës që u krijua në veri të Kosovës për sa i përket çështjes së targave.
Pro kësaj rezolute ishin 21 deputetë, kundër ishin 42 deputetë dhe një abstenoi.
Rezoluta përmbante katër pika, ku pika e parë tashmë është konsumuar pasi çështja arritur një marrëveshje në lidhje me targat.
E, për votimin e kësaj rezolute, shefi i deputetëve të AAK-së, Besnik Tahiri tha se “nuk e di çka ka të keqe kjo rezolutë që të mos votohet”.
Më poshtë gjeni pikat e plota të projektrezolutës
“1. Qeveria e Kosovës të marr vendim menjëherë për shtyrje të vendimit për targa deri në marrëveshje finale, kjo është konsumuar.
2. Institucionet e Kosovës, presidenca, kuvendi, qeveria, Republika e Kosovës, institucionet në të gjitha nivelet, të fillojnë dialogun intensiv me serbët e Kosovës për t’i kthyer në institucionet e Kosovës dhe për të kthyer besimin e ndërsjellë.
3. Qeveria të nisë komunikimin më intensiv me faktorët më relevant në vend duke përfshirë edhe opozitën, jo vetëm si reflektim i gjendjes së krijuar por edhe si nevojë e gjetjes së rrugëdaljes nga situata e krijuar.
4. Të kërkohet një Samit në ShBA, takim disa ditorë, që të përmbyllet marrëveshja finale për njohje Kosovë – Serbi”.
