Sokol Haliti hyn fuqishëm në garë për mandatin e katërt – Dega e LDK-së në Viti shpall mbështetjen pa rezervë për kryetarin më të suksesshëm në Kosovë
VITI – Kryetari i Komunës së Vitisë, z. Sokol Haliti, ka zyrtarizuar kandidaturën për mandatin e katërt, ndërsa Dega e Lidhjes Demokratike të Kosovës në Viti ka shpërfaqur mbështetjen e saj të fuqishme, duke e cilësuar Halitin si simbol të stabilitetit, zhvillimit dhe lidershipit të dëshmuar.
“Në emër të Degës së LDK-së në Viti, shprehim urimin më të përzemërt për kandidimin e z. Sokol Haliti për mandatin e katërt në krye të komunës sonë. Puna e tij e palodhshme, përkushtimi ndaj qytetarëve dhe vizioni i qartë për të ardhmen e Vitisë, janë arsye pse ai ka fituar besimin e qytetarëve në çdo mandat,” thuhet në deklaratën zyrtare
Gjatë tri mandateve të kaluara, Sokol Haliti ka ndërtuar një model qeverisës të bazuar në transparencë, zhvillim infrastrukturor, arsim cilësor dhe përkujdesje sociale. Emri i tij tashmë është i lidhur ngushtë me progresin e pandalshëm të kësaj komune.
Me moton “Bashkë përpara, për një Viti edhe më të zhvilluar!”, Haliti hyn në garë jo vetëm si kandidat, por si një figurë e fuqishme që gëzon besimin e gjerë qytetar dhe respektin e strukturave të LDK-së në nivel lokal dhe qendror.
Sokol Haliti – Emri që lidhet me punën, jo me fjalët. Lideri që Vitia e njeh dhe e zgjedh.
