Komuna e Podujevës është përfituese e iniciativës WiFi4WB, që financohet nga Bashkimi Evropian dhe Qeveria e Republikës Federale të Gjermanisë, përmes projektit EU4Digital. Nëpërmjet këtij projekti, që zbatohet nga GIZ-i gjerman, qendra e qytetit të Podujevës do të mbulohet me WiFi-internet falas.
Në ceremoninë e lansimit të këtij projekti do të marrin pjesë ministri i Digjitalizimit dhe Administratës Publike, z. Lulëzon Jagxhiu, kryetari i Komunës së Podujevës, z. Shpejtim Bulliqi, zëvendësambasadori i Republikës Federale të Gjermanisë në Kosovë, z. Christian Böttcher, kreu i Sektorit Politik i Bashkimit Evropian në Kosovë, z. Boguslaw Gertruda, drejtori i GIZ-it për Kosovë dhe Maqedoninë e Veriut, z. David Oberhuber, kryeshefja ekzekutive e Telekomit të Kosovës – Vala, znj. Burbuqe Hana, etj.
Ceremonia e lansimit të këtij projekti do të mbahet të enjten më 23 prill 2026 (në orën 12:00) dhe do të mbahet në Galerinë e Arteve në Podujevë.
Gjatë kësaj ceremonie do të nënshkruhet edhe memorandumi i mirëkuptimit ndërmjet Komunës së Podujevës dhe GIZ-it, si implementues i këtij projekti.
