Ju njoftojmë se tregu në Podujevë është zhvendosur përkohësisht në rrugën “Zahir Pajaziti”, pasi në hapësirën e deritashme së shpejti do të fillojnë punimet për ndërtimin e banesave për çifte të reja – një projekt që do të realizohet nga Qeveria e Republikës së Kosovës.
Zhvendosja e përkohshme e tregut është bërë me qëllim që të sigurohet vijimësi në punën e shitësve, derisa të krijohet një hapësirë e re dhe e përshtatshme për shitjen e produkteve të tyre. Komuna është në koordinim të vazhdueshëm me shitësit për të ofruar kushtet më të mira të mundshme gjatë kësaj periudhe kalimtare.
Gjithashtu i sigurojmë qytetarët se kjo hapësirë në të cilën tregtarët po zhvendosen përkohësisht, në të ardhmen synohet të shfrytëzohet për ndonjë projekt tjetër.
05.04.2025, Podujevë
Zyra për Marrëdhënie me Publikun dhe Informim
