Një sulm me armë zjarri ka ndodhur në Komunën e Pejës, ku një person ka njoftuar se djali i tij është sulmuar nga persona të panjohur.
Lajmi është bërë i ditur përmes raportit 24 orësh, teksa rasti është cilësuar si “vrasje në tentativë”.
“Ankuesi kosovar ka raportuar se, me datën dhe kohën e cekur, persona të panjohur për motive ende të panjohura kanë shtënë me armë zjarri në drejtim të viktimës-djalit të tij. Viktima, sipas ankuesit ka pësuar lëndime, por tretman mjekësor nuk dihet nëse ka pranuar pasi sipas ankuesit i njëjti nga frika ka rezervuar biletën e aeroplanit dhe është larguar”.
Nga ky rast janë konfiskuar edhe fishekë teksa rasti po vazhdon të hetohet ndërsa është informuar dhe konsultuar edhe prokurori.
“Njësitet në vendin e ngjarjes kanë gjetur dhe konfiskuar 2-fishekë dhe 2 gëzhoja cal-7.62 mm. Viktima nuk ka qenë i çastshëm për njësitet policore për t’u intervistuar”, thuhet në njoftimin e plotë.
Autoritetet policore kanë deklaruar se viktima s’ka qenë i qasshëm për t’u intervistuar.
Ndërsa në Hajvali një oficer korrektues është sulmuar fizikisht, rasti është cilësuar si sulm ndaj personit zyrtar.
“Viktima mashkull kosovar oficer korrektues ka njoftuar policinë se është sulmuar fizikisht. Viktima ka pranuar trajtim mjekësor. Lidhur me rastin është informuar edhe prokurori”, thuhet në raportin e policisë.
Kurse, për 24 orë, Policia e Kosovës, ka sekuestruar në dy raste të ndara armëmbajtje pa leje.
Rasti i parë ka ndodhur në Zllakuqan të Klinës ku thuhet se, “është arrestuar i dyshuari kosovar për shkak se nga i njëjti është sekuestruar një pistoletë”.
Pas inicimit të rastit me vendim të prokurorit i dyshuari është thënë se është liruar në procedurë të rregullt.
Për armëmbajtje pa leje një person është arrestuar edhe në Gjakovë, por që më pas është liruar në procedurë të rregullt.
“Është arrestuar i dyshuari kosovar për shkak se nga i njëjti është sekuestruar një armë automatike AK 47”.
Përveç këtyre rasteve, katër të tjera janë raportuar për dhunë në familje e për të cilat është iniciuar hetim nga policia./Albanina Post
