Përvjetorët e rënies së Gjeneral Majorit, Ilir Konushevci dhe Dr. Hazir Malaj, janë kujtimi i shtegtimit për liri. Në qindra kalime të kufirit, ai me shokët ishin kthyer në arterien e furnizimit me armatim, në shtyllën e fortë që mbante gjallë luftën për liri.
Figura e Gjeneralit, Ilir Konushevci, i përket celulave të para të armatosura, themeltar të Ushtrisë Çlirimtare të Kosovës, e bartësi i flamurit të lirisë dhe amanetit të dëshmorëve si Zahir Pajaziti, Hakif Zejnullahu, Luan Haradinaj dhe Edmond Hoxha.
Vepra dhe sakrifica e Ilirit dhe Dr. Hazirit duhet të jenë shembull se si jetohet e punohet për atdheun, duhet të jenë udhërrëfyes në punën dhe angazhimet tona të përditshme.
Ilir Konushefci dhe Dr. Hazir Malaj, ranë së bashku për ta konfirmuar dhe lartësuar një komb dhe një atdhe.
Lavdi!
