Të premten varroset Artan Zymberi që vdiq në burgun e Serbisë

Kështu ka bërë të ditur një familjare e tij, përcjell teve1.info

“Do të bëhet varrimi për të dashurin tonë të dashur Artan Zymberi. E premte 16/12/2022 në Kishën Udland Gravlund në Haugesund në orën 14:00. Të afërmit dhe të njohurit dhe ata që dëshirojnë, janë shumë të mirëpritur të takohen së bashku për t’i dhënë lamtumirën për herë të fundit”, thuhet në njoftim.

28 vjeçari me origjinë nga Peja e që kishte nënshtetësi norvegjeze, u raportua më 30 nëntor në mediat norvegjeze, se kishte vdekur.

I njëjti po vuante dënimin me tre vjet burg në qelitë e Mitrovicës së Sremit në Serbi.

Shkak për këtë dyshohet të jetë shpallja fajtor për kryerjen e veprës penale, prodhim dhe shpërndarje e paautorizuar e narkotikëve.

Lidhur me rastin, familja e Zymberajt ka ngritur dyshime se Zymberi mund të jetë vrarë, shkaku i disa tatuazheve në trup, si ato me figurën e Adem Jasharit – i vrarë nga forcat serbe gjatë luftës në Kosovë më 1998 – shqiponjës dhe emblemës së Ushtrisë Çlirimtare të Kosovës. /Teve1.info/