Një javë pasi ndodhi rasti i tentim-vrasjes në Prishtinë, ku viktima u gjuajt me armë gjersa ishte duke parkuar veturën e tij në rrugën “Destan Bajraktari”, tani është arrestuar një person i dyshuar.
“Lidhur me rastin, është arrestuar i dyshuari mashkull kosovar dhe nga ai janë konfiskuar disa pjesë të pistoletës së djegur që është përdorur në rast”, thuhet në njoftimin e policisë.
ADVERTISEMENT
Me vendim të prokurorit, i dyshuari është dërguar në mbajtje.
Policia kishte njoftuar në ditën kur ndodhi rasti se përpos dëmeve materiale të lënduar nuk ka.
Në vend ngjarje kishin dalë njësitet përkatëse ku kishin gjetur dhe konfiskuar 8 gëzhoja.
Rasti i dedikohet njësive përkatëse për hetime të mëtutjeshme.
