Disa persona kanë vdekur pasi një tren pasagjerësh doli nga shinat në jugperëndim të Gjermanisë, raportojnë mediat gjermane.
Policia tha se të paktën tre persona u lënduan gjithashtu në aksidentin pranë qytetit Riedlingen në shtetin e Baden-Württemberg.
Raportet thonë se pak më parë kishte pasur një stuhi në zonë, shkruan BBC.
Raportohet se rreth 100 persona ishin në tren kur të paktën dy vagona dolën nga shinat në një zonë të pyllëzuar.
ADVERTISEMENT
Imazhet e aksidentit tregojnë vagonët dhe prani të madhe të shërbimit të emergjencës.
Pemë të rrëzuara mund të shihen gjithashtu në vendngjarje. /Telegrafi/
