Trepça ’89 ka realizuar një rikthim të jashtëzakonshëm për ta eliminuar Llapin nga Kupa e Kosovës.
Skuadra mitrovicase ishte në disavantazh prej dy golave, por ia doli që ta përmbysë me rezultat 4:3 për ta siguruar “biletën” që të shpie në çerekfinale.
Llapi e nisi për mrekulli duke kaluar në epërsi pas vetëm shtatë minutave lojë përmes Ahmed Januzit.
I njëjti më pas e dyfishoi epërsinë pas një tjetër aksioni të shpejtë (57’).
Por, pas kësaj Trepça ’89 mori krejtësisht lojën në dorë duke e dominuar në të gjitha aspektet.
Me dy gola të shpejtë mitrovicasit e barazuan rezultatin për ta dërguar në vazhdime.
Më të motivuar se kurrë ishin edhe në kohën shtesë, ku realizuan edhe dy herë tjerë (105’, 110’).
E tëra që bëri Llapi ishte goli i tretë dhe njëkohësisht i fundit për këtë derbi (119’).
Kësisoj, Trepça ’89 avancon në çerekfinale të Kupës së Kosovës ndërsa Llapit i mbetet të fokusohet që ta sigurojë Evropën përmes kampionatit.
