Tri raste të dhunës në familje të raportuara në 24 orët e fundit

Policia e Kosovës ka njoftuar se në 24 orët e fundit janë raportuar tri raste të dhunës në familje.

Sipas njoftimit të PK-së, dje në Fushë Kosovë rreth orës 18:30 është raportuar se i dyshuari ka kryer veprën e lartcekur ndaj viktimës.

Lidhur me rastin, policia ka thënë se është njoftuar prokurori dhe se rasti është në procedurë hetimore.

Një rast i dhunës në familje është raportuar edhe në Prizren rreth orës 17:00.

Policia ka thënë se viktima ka pranuar tretman mjekësor pasi që e njëjta dyshohet se pas një mosmarrëveshje në familje është sulmuar fizikisht nga i dyshuari.

“Palët janë intervistuar dhe me vendim të prokurorit i dyshuari është arrestuar dhe dërguar në mbajtje” – thuhet në raportin 24-orësh.

Policia gjithashtu ka njoftuar edhe për një rast tjetër të dhunës në familje të ndodhur në Istog.

Sipas PK-së, viktima ka raportuar se pas një mosmarrëveshje i dyshuari ka shkaktuar dhunë psikike dhe fizike ndaj saj.

Në raport thuhet se palët janë intervistuar dhe e vendim të prokurorit i dyshuari është arrestuar dhe dërguar në mbajtje.