Presidenti i Shteteve të Bashkuara të Amerikës, Donald Trump, përmes një postimi në rrjetin e vet “Truth” ka shkruar se “do ta zgjidhi” çështjen mes Kosovës dhe Serbisë.
“Gjatë mandatit tim të parë, Serbia dhe Kosova po përplaseshin fort, siç kanë bërë për shumë dekada, dhe ky konflikt jetëgjatë ishte gati të shpërthente në LUFTË. Unë e ndala (Biden ka dëmtuar perspektivën afatgjate me disa vendime të marra, por unë do ta zgjidhi, sërish)”, ka shkruar Trump në Truth.
Postimin e Donald Trump e ka shpërndarë edhe emisari i tij për Misione të Posaçme në Botë, Richard Grenell, në rrjetin e tij në “X”.
Grenell muajve të fundit ka qenë tejet vokal kundër Albin Kurtit të Vetëvendosjes, duke shkruar se i ka çuar marrëdhëniet e Kosovës dhe ShBA-së në pikun më të vogël historik brenda 35 viteve.
Mes tjerash, Grenell ka akuzuar Kurtin se ka rrënuar marrëdhëniet si me Demokratët ashtu edhe me Republikanët.
