Komiteti për Komunitete i Kuvendit Komunal të Podujevës sot ka mbajtur takimin e radhës të cilin e udhëhoqi kryesuesi i Komitetit, Xhafer Ademi. Në mbledhjen e rregullt të Komitetit për Komunitete u miratua procesverbali nga mbledhja e Komitetit për Komunitete të mbajtur më 24.07.2023.
Në këtë pikë u diskutua nga anëtarët edhe për regjistrimin e nxënësëve në klasë të parë të komunitetit jo-shumicë në institucionet arsimore për vitin 2023/24.
Shefi i Zyrës për Komunitete dhe Kthim, Liman Zeqiri shprehi gatishmërinë për aktivizimin e gjitha mekanizmave komunal për përkrahje të arsimimit për të gjitha komunitetet pakicë në Komunën e Podujevës.
Ndërsa në pika të ndryshme diskutuan çështje të ndryshme infrastrukturore në lagjet e komuniteteve ku kryesuesi Ademi u zotua se ato kërkesa do t’i adresoj në drejtoritë përkatëse.
