Ish-banori i Big Brother VIP Kosova, Edi Kuçi, është intervistuar sot pasdite nga Policia e Kosovës, pas përplasjes me Jozefin Markun.
Intervistimi i Kuçit është bërë në kuadër të rastit për të cilin Prokuroria Themelore në Pejë ka ndërmarrë veprime gjatë ditës së sotme.
Prokurori kujdestar, me vetiniciativë, ka hapur rast penal ndaj Jozefin Markut, nën dyshimin për veprën penale “Lëndim i lehtë trupor”.
Lajmin për IndeksOnline e ka konfirmuar zëdhënësi i Prokurorisë Themelore në Pejë, Shkodran Nikqi.
ADVERTISEMENT
“Po, mund ta konfirmoj që është intervistuar sot”, ka deklaruar Nikqi.
Rasti vjen pas përplasjes mes dy ish-banorëve, e cila gjatë ditëve të fundit ka marrë vëmendje të madhe në publik dhe në rrjetet sociale./IndeksOnline/
