Rusia e ka akuzuar Ukrainën për kryerjen e një sulmi “masiv” me dron në flotën e Detit të Zi në qytetin port të Krimesë, Sevastopol.
Sulmi filloi në orën 04:20 me nëntë drone ajrore dhe shtatë dronë detarë, thanë zyrtarët rusë.
Të paktën një anije luftarake thuhet se është dëmtuar nga sulmet. Ukraina nuk e ka pranuar ende incidentin.
Trupat ukrainase kanë rimarrë me sukses territorin e pushtuar nga rusët kohët e fundit, shkruan BBC, transmeton Gazeta Express.
Rusia është përgjigjur duke nisur sulme në shkallë të gjerë në infrastrukturën ukrainase, veçanërisht në rrjetin energjetik të vendit.
Mikhail Razvozhaev, guvernatori i vendosur nga Rusia i Sevastopolit, tha se marina ruse kishte zmbrapsur sulmin e fundit.
Sulmet ishin “më masivet” në qytet që kur Rusia nisi pushtimin e Ukrainës në shkurt, citoi media shtetërore ruse guvernatorim.
Ai tha se të gjitha mjetet ajrore pa pilot (UAV) ishin rrëzuar dhe asnjë “infrastrukturë civile” nuk ishte dëmtuar.
Të paktën një anije pësoi dëmtime të vogla, tha Ministria ruse e Mbrojtjes.
