Qendra Kombëtare për Menaxhim Kufitar ka njoftuar se pritjet në pikën kufitare në Merdar janë deri në dy orë e 20 minuta për të hyrë në Kosovë, ndërsa kolona e automjeteve është 900 metra. Kurse në pikën kufitare tek Dheu i Bardhë, pritjet janë deri në gjysmë ore dhe kolona e automjeteve është 150 metra.
Festat e fundvitit për bashkëatdhetarët që jetojnë jashtë vendit do të festohen në Kosovë dhe kjo ka bërë që në pikat kufitare të ketë fluks të madh të automjeteve, të cilat kanë rikthyer edhe pritjet e gjata.
Vendet ku ka shumë fluks të madh të veturave janë në pikat kufitare mes Kosovës dhe Serbisë, në Merdar dhe të Dheu i Bardhë.
Sipas Qendrës Kombëtare për Menaxhim Kufitar (raporti i orës 07:39), bashkatdhetarët në pikën kufitare në Merdar janë duke pritur deri në dy orë e 20 minuta për të hyrë në Kosovë, kurse kolona e automjeteve është 900 metra.
Ndërsa tek pika kufitare te Dheu i Bardhë, pritjet janë deri në gjysmë ore dhe kolona e automjeteve është 150 metra.
Po ashtu fluks të bashkatdhetarëve ka edhe në pikat tjera kufitare Muçibabë dhe Mutivodë. Në këto dy pikë kalime kufitare pritjet janë nga 10 deri në 30 minuta, kurse kolona e automjeteve arrin deri në 100 metra.
Gjersa dy vendkalimet kufitare me Serbinë në veri të vendit, në Jarinjë dhe Bërnjak, janë duke vazhduar të qëndrojnë të mbyllura, si pasojë e barrikadave të vendosura në veri të vendit.
