Është ndërprerë mbledhja e sotme e seancës në kuvendin komunal të Podujevës, pasi grupi i LDK-së e bllokoi vazhdimin e kësaj seance, si shkak i ndaljes së mëditjeve të asambleistëve të kuvendit komunal me vendim te kryetarit të Kuvendit të Komunës.
Këtë vendim të kryetarit të Kuvendit Komunal LDK-ja po e quan të paligjshme, andaj po kërkon që kjo çështje të votohet për tu futur në rend të ditës si diskutim. Mirëpo, për shkak të mos votimit nga LVV-ja që kjo çështje të futet si temë diskutimi, LDK-ja nuk po lejon vazhdimin e kësaj seance.
Ndërkaq, lidhur me këtë, kryetari i kuvendit komunal, Hilmi Hoxha, tha se veprimi për ndaljen e mëditjeve mbështetet në udhëzimin administrativ, i cili parasheh mëditjet për ata që punojnë në seancë, dhe jo për ata që largohen.
Në anën tjetër, asambleisti i LDK-së, Naim çunaku, u kundër përgjigj duke thënë se ligji administrativ, nuk e parasheh se kur një seancë konsiderohet e filluar apo e mbaruar, përveq pjesëmarrjes me nënshkrim nga asamblesitët. Ndërsa, ndaljen e mëditjeve, Cunaku e ka konsideruar formë disiplinore apo nënshtruese ndaj vullnetit të kryetarit të Kuvendit.
Pas tentimit të vazhdimit të seances nga ana e kryetarit të Kuvendit Komunal, LDK-ja ka bllokuar foltoren e Kuvendit, dhe duke e trokitur tavolinën e kryesisë.
