Ka vdekur Fadil Mulliqi, ish komandant i Zonës Operative të Llapit.
Lidhur me këtë lajm ka shkruar edhe kryetari i Komunës së Podujevës, Shpejtim Bulliqi, i cili ka ngushlluar familjen dhe bashkëluftëtarët e tij.
Postimi i plotë:
„I papritur e fort i dhimbshëm lajmi për ndarjen nga jeta të komandantit të njësisë speciale në Zonën Operative të Llapit, Fadil Mulliqi.
Fadili ishte kthyer nga mërgimi për t’ju bashkuar radhëve të Ushtrisë Çlirimtare të Kosovës në luftën për lirinë e Kosovës, gjatë betejës së Kaçandollit më 1 maj 1999 ishte plagosur, ndërsa pas rikuperimit menjëherë i ishte bashkuar bashkëluftëtarëve për të vazhduar luftën për çlirimin e Kosovës.
Nga pas lufta ishte pjesë e strukrurave udhëheqëse të shoqatave të dala nga lufta, së fundmi barte pozitën si sekretar organizativ i OVL në Llap.
Ngushëllime të sinqerta familjes, farefisit dhe të gjithë miqve e bashkëluftëtarëve të Fadilit!“
