Edhe deputeti llapjan i Vetëvendosjes, Vendenis Lahu, i ka dedikuar një shkrim buxhetit për magjistralen Podujevë – Prishtinë, duke i quajtur reagimet e shumta, manipulime të opinionit publik.
Lahu, përmes një postimi në rrjetin e tij social, Facebook, ka shkruar se i tërë procesi për miratimin e buxhetit për projektin e magjistrales Podujevë – Prishtinë është në përputhje me nevojat e kësaj rruge. Kjo pasi, sipas tij, buxheti për këtë rrugë nuk ka buxhet të limituar, pasi që, Qeveria mund t’i ndaj buxhet për magjistralen deri në 50 milion.
Gjithashtu ai ka shtuar, se janë përcjellur punimet e kësaj rruge së bashku edhe me kryetarin e Komunës, dhe se në dakordim të plotë me Kryetarin e Komisionit për Buxhet dhe Kryeministrin, ai pohon se janë pajtuar që mjetet e nevojshm të ndahen përmes vendimeve të Ministrisë dhe Qeverisë.
”Nga takimet e zhvilluara përveç me Ministrin e Infrastruktures dhe Financave, për mënyrën e financimit të magjistrales Podujevë-Prishtinë ne kemi qenë në dakordim të plotë edhe me Kryetarin e Komisionit për Buxhet dhe Kryeministrin që mjetet e nevojshme shtesë të ndahen përmes vendimeve të Ministrisë dhe Qeverisë ashtu siç edhe mundëson Ligji për Buxhetin.
Ndërkaq, kërkësën e amandamentit nga deputetët e VV-së: Driton Hysenit dhe Mefail Bajqinofci, e ka quajtur mos koordinim me deputetët tjerë të VV-së.
”Prandaj në bazë të këtij dakordimi për financim ne nuk kemi paraqitur amandament – sepse do të ishte e pakuptimtë dhe nuk kemi votuar amandamente për këtë çështje sepse kjo do të ishte absurde, aq më tepër kur ato kanë qenë plotësisht të pakoordinuara. ” Ka reaguar, Lahu.
Postimi i plotë:
