ADVERTISEMENT
Sot gjatë ditës kryetari i Komunës, Shpejtim Bulliqi bashkë me drejtoreshën e Shëndetësisë Adelina Stublla, ud drejtorin e QKMF-së Bajram Bajgora dhe stafin shëndetësor të QKMF-së kanë vizituar hapësirat e radiologjisë dhe emergjencës, aty ku janë vendosur dy aparaturat e reja vertebrogrami dhe rëntgeni mobil.
Vertebrogrami është aparaturë radiologjike për fotografimin e gjithë boshtit kurrizor, kjo aparaturë shërben për zbulimin e hershëm të deformimeve të boshtit kurrizor skoliozës patologjike por edhe patologjive tjera.
Rëntgeni mobil është aparat i lëvizshëm përmes të cilit fotografohet çdo pjesë trupi, do të shfrytëzohet për rastet e rënda të emergjencës dhe rastet shtëpiake të palëvizshme me indikacion të domosdoshëm për fotografim.
Kryetari Bulliqi tha se angazhimin si qeverisje komunale e kemi t’i përmirësojmë përditë shërbimet shëndetësore për pacientët tanë, si në QKMF poashtu edhe në qendrat e tjera.
