Beogradi zyrtar, në krye me presidentin e saj, Aleksandër Vuçiq, kanë pretenduar se baza e ushtrisë së Serbisë në Rashkë është vëzhguar nga dronët të vegjël komercial, e të cilët mund të jenë në dispozicion të FSK-së.
Mediumit, e afërta me Vuçiqin, kanë hedhur akuza në drejtim të Republikës së Kosovës se gjoja FSK-ja ka vëzhguar me dronët e saj mbi bazat ushtarake në territorin e Serbisë, transmeton Indeksonline
Mirëpo, ndryshe sot raportohet nga e përditshmja, “Novosit”. Në një artikull të publikuar, kjo gazetë e qet në rren presidenti e saj.
Sipas saj, britanikët ishin ata që lëshuan dronin rreth vijës kufitare ndërmjet Kosovës dhe Serbisë, konkretisht tek liqeni i Gazivodës.
“Në videon e realizuar në zonën e liqenit të Gazivodës, në komunën e Zubin Potokut, shihet një ushtar britanik duke lëshuar një avion pa pilot. Është e qartë se NATO-ja ka intensifikuar aktivitetet e saj në vijën administrative”, shkruan ky medium.
Sipas “Novost”-it, kryeminsitri, Albin Kurti në një takim të fundit në Prishtinë me përfaqësuesit e QUINT-it, ka kërkuar nga britanikët që t’i sigurojnë pajisje për zbulimin e pozicionit të ushtrisë serbe në Zonën e Sigurisë Tokësore.
Ndryshe, shefi i ekzekutivit, Kurti, e ka cilësuar si çështje të Serbisë raportimin se është rrëzuar një dron nga autoritetet serbe afër Rashkës.
Ai për këtë është pyetur pas Samitit të Ballkanit Perëndimor që u mbajt të enjten në Berlin, derisa ka thënë se për atë duhet të flasë Beogradi.
“Paj, pyetni në Serbi, çka di unë, pyetini ata. Nuk e di unë dronët e kujt hyjnë në Serbi. Kështu, kjo ka ndodhur në territorin e Serbisë, pyetini ata. Mbase nuk po mendoni se unë duhet të përgjigjem për atë që ndodh në territorin e Serbisë. Paj, a po mendoni ju se në një shtet, ku regjimi që qeveris në të nuk është demokratik, gjithçka është racionale? Ka shumë veprime irracionale atje”, u shpreh ai. /Indeksonline/
