Partia Popullore Serbe e Vuk Jeremiç ka thënë se me daljen e serbëve nga institucionet e Kosovës Marrëveshja e Brukselit është “letër e vdekur” dhe se për këtë arsyeja Kryetari i Kuvendit Vladimir Orliç, duhet të shpall zgjedhjet në pjesën veriore të Kosovës.
Daljen e serbëve nga institucionet kjo parti e quajti “hap logjik” pasi që, siç vazhduan të vlerësojnë ata, duhet parë për mënyra tjera për zgjidhje në katër komunat veriore të banuara me shumicë serbe.
Sanda Rashkoviç nga Partia Popullore Serbe e quajti “të logjikshme” daljen e serbëve nga institucionet pasi që “targat janë thjesht targa, njëjtë sikur kodi i një zoni nuk është thjesht kod, por këto janë elemente sovraniteti, letërnjoftimet janë elemente sovraniteti”, raportoi e përditshmja serbe “Danas”.
Duke i kërkuar shpalljen e zgjedhjev në pjesën veriore ajo iu referua Rezolutës 12/44 duke thënë se ajo ua mundëson ligjërisht, transmeton Reporteri.net.
Rezoluta 12/44 e Këshillit të Sigurimit e vitit 1999 parashihte ruajtjen e integritetit territorial të Republikës Federative të Jugosllavisë që asohokohe përbëhej vetëm nga Serbia dhe Mali i Zi, por më ajo “federatë” nuk ekziston me shpalljen e pavarësisë së Malit të Zi më 2006 dhe Kosovës më 2008, pavarësi kjo që edhe GJND nuk e ka gjetur të jetë në kundërshtim me ligjin ndërkombëtar.
