Lëvizja Vetëvendosje mbajti sonte një tubim madhështor në ambientet e Shkollës së Mesme Ekonomike në Podujevë, ku u shënua një pjesëmarrje mbresëlënëse e qytetarëve.
Ky takim u karakterizua nga një energji pozitive, besim i madh qytetar dhe përkrahje e hapur për vizionin dhe projektet që Lëvizja Vetëvendosje ka për komunën e Podujevës.
Pjesëmarrja e jashtëzakonshme është një sinjal i qartë se qytetarët e Podujevës e vlerësojnë lartë rrugën e mirëqeverisjes, punën e bërë deri tani dhe qasjen e sinqertë e të përkushtuar ndaj zhvillimit të komunës.
“Energjia dhe besimi që morëm sonte na obligon edhe më shumë për të vazhduar me përkushtim, me projekte konkrete dhe me vizion të qartë për zhvillimin e komunës sonë,” u tha në fjalimet e mbajtura gjatë tubimit.
Ky tubim shënon një tjetër hap të rëndësishëm në fuqizimin e komunikimit me qytetarët dhe dëshmon se Vetëvendosje gëzon mbështetje të fortë në Podujevë, falë angazhimit të vazhdueshëm për një qeverisje të ndershme dhe transparente.
