Lëvizja Vetëvendosje ka refuzuar që ta votojë rezolutën e Partisë Demokratike të Kosovës (PDK) për mbrojtjen e së vërtetës dhe dinjitetit të viktimave të luftës.
Kjo, pasi që partia në pushtet kërkoi që të krijohet një grup i përbashkët nga të gjitha partitë që të sillet një draft në fund për miratim.
‘’Jemi të gatshëm të dërgojmë deputetët tanë si pjesë e një grupi të përbashkët me përfaqësuesit e të gjitha partive, dhe në fund të ditës sjellim një draft për ta miratuar në Kuvend’’, tha thënë Nagavci.
PDK’ja ka kërkuar që ta kalojë si pikë të parë të rendit të ditës dhe, në rast se s’kalon, ajo e tërheq propozimin.
Kësisoj, PDK’ja kanë tërhequr rezolutën dhe janë larguar nga salla e Kuvendit.
Rezoluta u propozua pak ditë para se të largohej ekspozita e Shkëlzen Gashit me gabime faktike lidhur me krimet e luftës, e cila u prezantua në sheshin e Prishtinës.
