ADVERTISEMENT
Zëdhënësi i Komunës së Podujevë, Fatri Zhitia, ka postuar në rrjetin e tij social, Facebook, një krahasim të investimeve kapitale dhe subvencioneve të qeverisjes aktuale me atë të kaluarën.
”Për nga investimet kapitale në realizimin e projekteve qeverisja jonë me qeverisjen e kaluar është e pakrahasueshme, por edhe në kategorinë e subencioneve dallimet janë tepër të mëdha”, ka shkruar Zhitia.
Sipas Zhitisë, këto janë disa nga krahasimet mes qeverisjes së tanishme në kategorinë e subvencioneve nga secili sektor:
Nga Drejtoria për Kulturë, Rini dhe Sport subvencionet janë 2.5 herë më të mëdha në krahasim me vitin e fundit të qeverisjes së kaluar, nga 100 mijë euro tash i kemi 250 mijë euro.
Nga Drejtoria e Bujqësisë, Pylltarisë dhe Zhvillimit Rural subvencionet për fermerët janë dyfishuar, nga 346 mijë euro tash i kemi 700 mijë euro.
Nga Drejtoria e Arsimit në kategorinë e subvencioneve – bursave, nga 40 mijë euro sa ishin, tash i kemi 100 mijë euro apo 2.5 herë më shumë.
Nga Drejtoria e Shëndetësisë dhe Mirëqenies Sociale nga 60 mijë euro sa ishte fondi i mbështetjes për personat me sëmundje kronike dhe organizata që merren me trajtimin e personave me nevoja të veçanta, tash i kemi 150 mijë euro apo 2.5 herë më shumë.
Nga Drejtoria e Planifikimit dhe Zhvillimit Ekonomik nga 0 euro të ndara për biznese prodhuese dhe kompani inovative, në këtë vit qeverisja jonë ka ndarë 300 mijë euro për këto biznese.
Më shumë mbështetje për kategoritë e cenueshme të shoqërisë dhe më shumë financim për sportistët, artistët, fermerët, studentët dhe bizneset prodhuese vendore.
Postimi i plotë:
