Para pak minutash ka nisur mbledhja e jashtëzakonshme e Qeverisë së Serbisë në lidhje me situatën në Kosovë.
Aty i pranishëm është edhe presidenti serb, Aleksander Vuçiq.
Siç raportohet në Beograd, Vuçiq në mbledhje duhet të paraqesë një raport për bisedimet me përfaqësuesit e serbëve nga Kosova, të cilët paralajmëruan tërheqjen e tyre nga institucionet e Kosovës për shkak të shkarkimit të drejtorit të Policisë në veri, Nenad Gjuriq.
Pas seancës së Qeverisë, Vuçiq do të takohet me ambasadorin e Kinës në Beograd, Chen Bo, si dhe me ambasadorin e Rusisë, Aleksandar Bocan Harçenko.
Në orën 13:00, Vuçiq do të bisedojë edhe me Patriarkun e Kishës Ortodokse Serbe, Porfirije, në Patriarkanë.
Në Zveçan, përfaqësuesit politikë të serbëve nga Kosova do të mbajnë një takim në mesditë ku do të shqyrtojnë propozimin e Listës Serbe dhe të kryetarit të këtij subjekti, Goran Rakiq për të shqyrtuar braktisjen e të gjitha institucioneve të Kosovës në veri të Kosovës.
Në të njëjtën kohë priten edhe vendimet e serbëve në veri të Kosovës dhe Kosovës. Kreu i Listës Serbe, Goran Rakiq, ka thënë se sot do të ketë takim me të gjithë krerët e institucioneve në veri dhe se do të marrë vendime. Ai paralajmëroi protestën e parë për të dielën.
– Faleminderit për ftesën dhe që më dhatë mundësinë t’ju informoj për gjendjen në të cilën ndodhet Serbia. Nuk po heqim dorë nga politika e përgjegjshme e paqes dhe stabilitetit – ka shkruar ai në llogarinë e tij në Instagram.
