Një vetaksident ka ndodhur sot në rrugën Gjilan-Prishtinë, afër Liqenit të Badovcit.
Si pasojë e këtij aksidenti, një person ka pësuar lëndime të rënda trupore.
Lajmin për KALLXO.com e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 12:40, në rrugën Gjilan – Prishtinë, ka ndodhur një aksident trafiku, ku është përfshirë një veturë. Si pasojë e aksidentit një person ka pësuar lëndime të rënda trupore” – ka thënë ajo.
ADVERTISEMENT
Tutje Ahmeti ka treguar se personi i lënduar është dërguar për trajtimin e nevojshëm mjekësor.
Po ashtu, Ahmeti ka thënë se Policia ka nisur një hetim për zbardhjen e shkaqeve të këtij vetaksidenti.
