Ministri i Financave, Hekuran Murati ka publikuar linkun se ku mund të aplikojnë të rinjtë të moshës 18-25 vjeç, që duan të punësohen.
ADVERTISEMENT
Ai ka bërë të ditur se paga minimale do të jetë 264 euro në muaj, dhe pas 6 muajve punëdhënësi mund të rrisë këtë pagë.
“Subvencioni i Qeverisë do të jetë në nivelin 264 euro/muaj, për 6 muaj me radhë, ndërsa punëdhënësi mund të shtojë edhe mbi këtë shumë”, është shprehur Murati.
Ai ka bërë thirrje tek bizneset që të përfitojnë nga kjo mundësi, dhe të shpallin pozitat e lira përmes platformës “Super Puna”.
