Ambasadori i shqiperis në Kosovë, Qemal Minxhozi, shënoi sot vizitën e parë zyrtare në Komunën e Podujevës. Ai u prit nga kryetari i Komunës, Shpejtim Bulliqi, ku biseduan për një sërë bashkëpunimesh në fusha të ndryshme.
Bulliqi u shpreh i kënaqur me vizitën dhe potencoi pikat kyqe të diskutimit me ambasadorin: Bashkëpunimi në fushën e agrobiznesit, turizmit, arsimit, etj.
Ndërkaq ajo që Minxhozi tha në konferencë për media kishte po ashtu në fokus bashkëpunimi në fushën e biznesit dhe turizmit. Ai tha se Komuna e Podujevës ka potencial të madh zhvillimit edhe për shkak të pozitës së saj gjeografike.
Sipas asaj që ambasadori tha, ai konsideron të rëndësishme bashkëpunimin edhe në fushën e arsimit, ku ndër të tjera tha se nxënëseve llapjan do t’u shërbenin edhe praktikat në Shqipëri për ngritje profesionale.
Duke qenë se Komuna e Podujevës shquhet për reliev malor, Minxhozi foli rreth disa planeve rreth zhvillimit të turizmit malor, veqënarisht atë në pjesën e liqenit të Batllavës.
Ndërsa kryetari Bulliqi, tha se Komuna e Podujevës planifikon të bëjë edhe binjakëzim me ndonjërën nga bashkitë e Shqipërisë sipas natyrës dhe karakteristikave të përbashkëta.
Konferenca e plotë:
