“Ka momente që e shtrëngoj karrigen”, Konjufca tregon kur mezi mbahet që të mos futet në debate në Kuvend

Kryetari i Kuvendit të Kosovës, Glauk Konjufca, ka folur për pozitën e tij dhe menaxhimin e rasteve kur mungojnë deputetët në debate parlamentare.

Konjufca ka qenë njëri ndër deputetët që është përfshirë në shumë debate parlamentare ndër vite, por që prej marrjes së postit të ri, më shumë njihet për batuta që lëshon gjatë seancave dhe ikjes prej konfrontimeve.

Konjufca e pranon se i mungon debati kuvendar.

“Ka momente që e shtrëngoj karrigen”, thotë ai duke treguar edhe momentet kur i ndodh kjo.

“Ka momente kur dëgjon pretendime të pabazuara në debatin kur ka qëndrime karshi Serbisë që janë shumë pretendime të pabazuara”, tha Konjufca në t7.

“Mu ka rritur imuniteti”, shtoi ai me sarkazëm.