Gashi për rastin e Klan Kosovës: Kurti ka problem me Kosovën e lirë, SHBA’të dhe 5 shtete të BE’së

Gazetari, Astrit Gashi, ka reaguar ashpër ndaj qeverisë së Kosovës të udhëhequr nga Albin Kuri, për pezullimin e licencës së Klan Kosovës, duke thënë se, Kurti po dëshmon se ka problem veç me Kosovën e lirë e jo me Serbinë e as me Vucicin, shkruan Gazeta Metro.

Gashi ka shtuar se, Kurti ka problem edhe me Shtetet e Bashkuara të Amerikës dhe pesë shtetet e Bashkimit Europian që janë përkrahës të pavarësisë së Kosovës.

Ai ka thënë se, qeveria Kurti po shkon hapave të Erdoganit, Gruevskit e Vucicit.

Hapave te Erdoganit, Orbanit, Gruevskit, Vucicit, Rames e “demokraturave” te tjera. Derisa ne Graqanice ka objekt e vepron lirshem MTS serb, pa license e asnje autorizim, Qeveria e Kosoves e pezullon licensen e nje mediumi ne Kosove, Klan Kosova. Me nje thirrje te nje ministreje qe ka ardhe aty nga bota e biznesit te afert me KEK.

Ky KM po e deshmon se nuk ka problem as me Serbine as me Vucicin, ky KM po e deshmon se ka problem vec me Kosoven e lire dhe me aleatet e saj, SHBA e 5 shtete te Bashkimit Evropian qe jane perkrahes te pavaresise se Kosoves.

Ky KM s’ka problem as me Oligarket, as me Shkelqimin e Blerimin, ata jane te lire, prej tyre ka pranu edhe jogurta ne zgjedhje ne mos me shume, ka problem me LIRINE.

E LIRINE e medias, po te jete nevoja, do ta mbrojme edhe me trupat tone.