Policia e Kosovës, është duke i zhvilluar disa bastisje në veri të Kosovës.
Zëvendësdrejtori i Policisë në veri, Veton Elshani, tha se gjithçka është duke shkuar në rregull dhe se nuk ka asnjë të arrestuar.
Bastisjet po zhvillohen që disa ditë pas sulmit terrorist në Banjskë të Zveçanit, ku ishte vrarë rreshteri i Policisë së Kosovës, Afrim Bunjaku.
Si kundërpërgjigje policia i kishte vrarë tre terroristë. Përgjegjësinë për sulmin e ka marrë kryekrimineli Millan Radojçiq, i cili gjendet në Serbi i lirë.
ADVERTISEMENT
Grupi terrorist kishte lënë prapa armatime të rënda, automjete, uniforma e shumë pajisje të tjera ushtarake me prejardhje nga Serbia.
