Komuna e Podujeves shpërndan kosha për riciklim të mbeturinave në shkollën “Ibrahim Rugova”

Në kuadër të pilot projektit të të Strategjisë për riciklimin e mbeturinave në Shkollën Fillore të Mesme të Ulët “Ibrahim Rugova”, sot është bërë shpërndarja e 66 koshave për riciklim të mbeturinave nëpër klasa me masë 50l, 22 kosha të kaltërt (letër), 22 kosha të verdhë (plastikë) dhe 22 kosha të zi (për mbetje të përziera).

Qëllimi i këtij pilot projekti është është funksionalizimi i sistemit të qëndrueshëm për menaxhimin e mbetjeve në Komunën e Podujevës, e cila pason qarkoren e ekonomisë duke ndjekur praktikat e qytetit të binjakëzuar Velbert, ku edhe po mbështetet nga konsulenti i GIZ-it në Komunën e Podujevës.

Shumë shpejt do të fillojë shpërndarja e koshave edhe në 4 shkolla tjera, ndërsa me fillimin e vitit të ri shkollor në shtator synohet zgjerimi i projektit të riciklimit me përfshirje më të madhe.

Ekipi i Komunës së Podujevës do të monitorojë këtë proces dhe do të përkujdeset për mbarëvajtje të projektit.