Mali i Zi ishte një prej tre shteteve që votuan kundër në mbledhjen e sotme të Komitetit Politik të Asamblesë Parlamentare të Këshillit të Evropës sot për miratimin e shqyrtimit të mëtutjeshëm të anëtarësimit të Kosovës, transmeton Gazeta Metro.
Megjithëse ishte paralajmëruar dhe ishte një sinjal në vet Malin e Zi që mohon për gjoja orientimin gjoja pro-europian të pretenduar të këtij ekzekutivi në Podgoricë tani.
Mali i Zi votoi kundër së bashku me dy shtete të tjera që s’ishin befasi. Serbia dhe Bosnja e Mali i Zi.
Përfaqësuesi i një shteti që nuk njeh pavarësinë e Kosovës, Alexis Tsipras nga Greqia ka abstenuar nga shpalosja e vendimit negativ apo pozitiv, që paraqet një indikacion poashtu.
Raportuesja për anëtarësimin e Kosovës në Këshillin e Europian, politikanja greke Dora Bakoyannis, ku ka rekomanduar anëtarësimin.
Përfaqësuesja e Malit të Zi në KiE, Maja Vukicevic, që vjen nga partia serbe pro-ruse e Milan Knezevic në Mal të Zi, kishte deklaruar hapur si vendim partiak votimin kundër dhe nuk kishte pasur asnjë reagim nga asnjë zyrtar i lartë malazez, që deklarativisht së paku janë me orientim pro-europian.
Në qeverinë malazeze të Milojko Spajic të lëvizjes ‘Evropa Tash’ si pjesë e koalicionit janë edhe dy partitë serbe hapur pro-ruse të Milan Knezevic nga Partia Popullore e Malit të Zi, dhe e Andrija Mandic i Partia e Re Serbe.
Që të dy këta politikanë si figura publikisht kanë synim të proklamuar shpërbërjen e shtetit malazez dhe bashkimin me Serbinë. Hapur mbështesin edhe Rusinë në invadimin e Ukrainës, si dhe kundërshtojnë anëtarësimin në NATO të shtetit malazez. Inkuadrimi i tyre në koalicion ishte kritikuar nga bashkësia ndërkombëtare.
Kosovën nuk e pranojnë si shtet dhe hapur kanë proklamuar se kanë synim të tërheqin njohjen nga Mali i Zi.
Në kaolicionin qeverisës të Spajic marrin pjesë edhe dy krahët politik të shqiptarëve në Mal të Zi, me dy poste ministrore. Në deklaratën e themelimit të qeverisë vitin e kaluar, si parime bazë ishin përcaktuar orientimi pro-perëndimor i Malit të Zi, si dhe njohja e Kosovës nga Mali i Zi, si kusht për të hyrë në koalicion./gazetametro.net
