ADVERTISEMENT
Në 25 vjetorin e masakrës së familjeve Bogujevci, Duriqi dhe Llugaliu u bënë homazhe dhe u vendosën lule të freskëta në nderim të 14 viktimave të vrarë nga regjimi gjenocidal i Serbisë.
Në homazhe morën pjesë kryeministri i Kosovës Albin Kurti, kryetari i Komunës Shpejtim Bulliqi, zëvendës Kryeministri Besnik Bislimi, ministra të Qeverisë, deputetë, drejtorë dhe asamblistë komunal, si dhe qytetarë të Komunës së Podujevës.
Kryeministri Kurti tha se dëshmorët dhe martirët na e përkujtojnë se sa i lartë ishte çmimi i shtetit dhe lirisë që e gëzojmë sot dhe se si rrënjët e shtetit dhe të lirisë janë te gjaku i martirëve dhe i dëshmorëve.
Kryetari i Komunës Shpejtim Bulliqi tha se “Në 25 vjetorin e masakrës së familjeve Bogujevci, Duriqi dhe Llugaliu kemi bërë homazhe pranë lapidarëve të familjeve në qytet dhe Obrançë. I kujtojmë me mall e dhimbje 16 pjesëtarët e familjeve Bogujevci, Duriqi dhe Llugaliu që u vranë barbarisht nga forcat paramilitare serbe”.
