Shefi i Grupit Parlamentar të Aleancës për Ardhmërinë e Kosovës, Besnik Tahiri, ka reaguar ndaj Qeverisë Kurti në trevjetorin e qeverisjes së tij.
Tahiri tha se Qeveria Kurti është qeveri e dështuar. “Për këta tre vjet qeverisje të dështuar do të zbardhim dështimet e kësaj qeverisjeje me argumentet tona”, tha Tahiri në një konferencë me gazetarë.
Ai më tej bëri të ditur një propozim të partisë së tij, një dokument tetëfaqësh, përmes të cilit dëshmohet dështimi i kësaj qeverie në drejtimin e çështjeve të brendshme, në veçanti që lidhen me zhvillimin ekonomik, me investimet publike, etj.
“Kjo qeveri ka dështuar në ngritjen e pensioneve, në ngritjen e pagave në sektorin publik, në rritjen e pagës minimale, në ligjin për sigurime shëndetësore”, tha Tahiri.
Ai e vlerësoi si të dështuar edhe qeverisjen në sektorin e jashtëm.
“Kosova kurrë nuk i ka pasur raportet më të këqija në historinë e vet, që nga viti 2008”, tha në fund, Besnik Tahiri.
